2015/04/07

مطلحات سوقية

المرجوج : هذا ما عمره صلح شيء صح في حياته ما يمديك تفتح ثمك إلا و طار في العجة بدون ما يفهم وش السالفة !!! و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .
الارفل: هو الذي لايستطيع اتقان أي عمل يكلف به بل يفسده..
البرباره: هو كثير الكلام بغير فائده ..
البلشه: هو الشخص الموذي الي مايسلم منه احد وتلقى الناس دايم تصد عنه وتدور فرقاه ..ويقال(فلان بلشه لايقربنا ) يعني فكونا منه الله يفككم من النار..
البهبوه:هو الطفل الي عليه قل صح وفيه هبال ..
جحلط: ( بتشديد اللام ) : واحدها جحلوطي - وهم مرحلة متقدمة للسلنتح
الجغه:هو الذي لم يكتمل نمو عقله وتنقد على تصرفاته.
الجنط : من قصيلت الدلخ .
الحقنة: ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!! ومعنى الحقنه الحفرة في النفود اذا وقعت فيها لا تخرج الا بصعوبة.
الخبيث: المخبث..وهذه عباره تدل على الشخص الذي فيه خبث ولعانه لايقتصر على ذالك فقط بل يعلم الناس الخبث والعانه ويعينهم عليها فيقال (فلان خبيث مخبث) اي هو خبيث ويعلم غيره الخبث فاجتنبوه ..
الخراره:هو الذي ينقل الكلام للغير..ولايستطيع كتمانه..
الخرنقعي: هو الذي لايحسن التصرف بكل ما يملكه..
خنبقة: الخنابيق: كلام بلا فائدة.
الداشر :  هذا قليل الأدب و لا يحب يماشي إلا السرابيت ... و إذا قيل فلان دشّــر فلان أي خرب أخلاقه .
الدبشه: هو الذي تصرفاته تصرفات البهائم.. وهي ماخوذه من بهيمة الانعام..له صلة قرابة بالكمخة.
الدبوج: وهو الشخص الي جسمه اكبر من عقله ..وتصرفاته تصرفات طفل..
الدلخ : وهذاا إنسان غبي جدا. ويرفع الضغط ....وينرفز ....واكثر من يعااني منه المدرسين ....واهله .
الدلنبخه.. والدلخ:هو الشخص الغبي الذي لايستوعب وبطيئ الفهم..
الرعاعة: هو الشخص الجبان الخواف والي ينكب ربعه في الشدايد ولايحب المواجهه...
زعّيط : من زعط يزعط زعطاً .. اللي يسوي نفسه يفهم في كل شئ وهو من جنب العارضه .
السبيكة : هذا اللي تحس انه فيه شي ناقص في مخه .. يعني محترق واحد من فيوزات مخه يعني ماشي بالبركة ..
السربوت : هذا اللي ما يخلي مكان ما يروح له وقد كان الأولين يطلقون لقب السربوت على من يشرب التتن ... لكن الحين الله يخلف الناس تدخن بيدينها و رجلينها و لا أحد يقول لهم شيء .
السلنتح : قليل الأدب . مفردها سلتوح.
السمرمدي :  وهو من نفس فصيلة السربوت ... ولكنه اكثر تعقيدا ً.
الصتيمة : وهو الشخص اللي ماعنده ماعند جدة جدتي .!! ويصدق أي شئ يقال له . وهو الذي يؤكل حقه وهو يشوف...
الصحيِّح : إصحيِّح: ويقولون عليه "قل صح" اي صاحي قليلا او قليلا من الصحاومة والصحيح عكس العليل وهذا علته في رأسه يشوفك اليوم بكره ينسى اسمك ، عمره اربعين يتصرف مثل ابو خمس، يعني ماعندك احد .
الصديع : اي كلمة في راسة يطلعها ولا يتنبأ بافعاله سواء كانت صح ام خطأ.
الطبله: هو الشخص الخفيف الي مافيه مخ وعقله مجوف مثل الطبل ..
الطبنجه: هي صفه للشخص الذي لايعتمد على نفسه في حل مشاكله بل يتم توجيهه.
العربجي : يظن معظم الناس ان العربجي هو الشخص الشديد حق المشاكل واللي ما يمشي الا وهو مشخص ببنت البكار(اسم لطريقة لبس الشماغ عند العرابجة) وحاط مفاتيحة في سلسلة ولا بس نعال سجادية ويسحبها تسحيب لين داء يمشي ودايم فاتح صدره ورازه على فوق وكانك ولد ابوك قله شئ بس . لكن في الاونه الاخيرة ظهرت اشاعات تقول بان العربجي هو اللي يسوق الحمارلكن صرح مصدر موثوق من عائلة العرابجة بان هذه إشاعة مغرضة اطلقها عليهم احد الخكاريا..
العله : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه .
الفاهي : هذا الله يخلف مهما تقول له أو تصارخ عليه تلقاه فاتح فمه وبس وإذا كلف عمره وتفاعل معك رد عليك وقالك : هه .
القعيطي : هو الشخص البخيل للغاية و يسمى أحيانا الجلدة و قد نشأت القعيطية على يد القعيطي الأكبر قاعط قعطة المقعط وتبنى نهجه بعده تلميذه تأبط قعطا ًو قد سمي بذلك لأنه كان يخبئ أمواله في إبطه و يقعط عليها بكل حــزم و شــدة.
الكحلي : يطلق مسمى الكحلي على ذوي البشرة السمراء .
الكمخه:هو الشخص الذي اخذ من عمره ولا يستفاد منه..وهي ماخوذه من الاغنام كبيرة السن..
اللزقة: هذا شخص على طول معك وقدامك ووراك وكل شي وتطلع مع الباب تلقاه تركب في السيارة تلقاه يطق القزازة عليك وعلى ها الحال لين يوم القيامة .
اللوقي: هو حيوان لا كلب ولا سلوقي ما 0ينفع ابد مافيه فايده بس ياكل مثل البغل لا حصان ولا حمار..
المايق: هو المتغطرس الي شايف نفسه وهو ماعنده ماعند جدتي.
المخفه:هو الشخص الذي يصدق كل شي.. ويستغل طيبه..
المرجوج: هذا ماعمره سوى شي صح في حياته مايمديك تفتح فمك الا وطار في العجة بدون مايفهم وش السالفة ، والارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة وليس نتيجة روعة ..
المريوح: هذا اللي نفسه شينه . والمريوح: هو سريع الانفعالات و التصرفات في غير مكانها..ولايبالي ..
المزّلب : يعني بايعها بتراب !
المسبوه: المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل . والمسبوه: هو الشخص الذي لا يعرف ما يدور حوله..
المسرع : وهو الشخص اللي ينط في كل شي .. ماهو لقافة بس عجله وسرعة وفزعة ماهي على سنع ولا عنده صبر ابد ويبي يسوي كل شي بسرعة.
مسفّح : يعني طاير في العجّة وهو ماعنده ماعند جدة جدتي ، يعني بالعربي الفصيح من جنب العارضة .
المشفوح: هو الذي يبحث عن الاشياء التي لاتخصه ..وغالبا ما يبحث عنها بنفسه ويحب ان يكون اول من يطلع عليها وقد ينقل خبرها...
المصرقع : هو كل شخص ما يهمه شيء و اللي يطري على باله يسويه لأنه ماخذ الدعوة وساعة صدر و هبال .
المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه ماده سائله لازم يكبها ( أي يسكبها ) برجله وهو مايدري !!! ولا تخليه يمر بجنبك وانت معك صينية فيها بيالات لأنه لازم يصقعها بيده أو بكتفه ..!! وأخيرا ً.. لاتخليه يصب قهوة للضيوف لأنه لازم يكب القهوة على ثوب واحد منهم !! .
المطيور: هو الذي اصيب بمس من الجن واصبحت تصرفاته سريعه وغير طبيعيه
المفلت : هو كل شخص ماتقدر انك تامنه على شئ لانه مهوب تكانة ويتميز بكل انواع الاهمال والتطنيش .
المفهي: او الفاهي  وهذا الله يخلف مهما تقول له أو تصارخ عليه تلقاه فاتح ثمه و بس . و إذا كلف عمره و تفاعل معك رد عليك و قالك: هاااه .
الملكع: اما هذا فيعرف حتى السكن (اي الجن= العفاريت ماهو الجن الثاني حق الدشير والسرابيت والسمرمد) ومقطع السمكة وذيلها ومهما تحاول تلف وتدور معه تراه فاهم وعارف وش تبي بالضبط فلا تتعب نفسك .
المنسم : كل ما مريت عليه تسمع صوت( تس ) و ذلك راجع إلى تهريب الهواء من رأسه والسبب في ذلك هو أن في رأسه فتق لذلك تلقاه دايم يغطس رأسه في (سطل) موية عشان يعرف من وين التنسيم (التهريب) .
مهايطي : يعني من النوع اللي كلامه أكبر من حجمه بدون معنى ولا فائدة (والمعنى الصحيح تجده قريبا في عالأصل دوّر للكاتب..) لأنها فصيحة...
المهوّي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه .

النكبه:هو الشخص الذي يورط أي شخص يثق فيه ولا يؤتمن على سر..

ليست هناك تعليقات: