الحديث والمولد

مصطلحات حديثة او مولدة

الدلخ : وهذاا إنسان غبي جداااا ، ويرفع الضغط .... وينرفز . ج: دلوخ.

المنسم : كل ما مريت عليه تسمع صوت تنسيم مثل تنسيم الكفر وذلك راجع إلى تهريب الهواء من راسه والسبب في ذلك هو أن في راسه فتق لذلك تلقاه دايم يغطس راسه في سطل موية عشان يعرف من وين التنسيم .

المهوي : هو مرحلة متاخرة من التنسيم والمهوي وصل لمرحلة متاخرة جدا بحيث يفقد اهله الرجاء منه .

السلنتح : قليل الأدب . مفردها سلتوح.

جحلط ( بتشديد اللام ) : واحدها جحلوطي - وهم مرحلة متقدمة للسلنتح .

مزّلب : يعني بايعها بتراب !

مسفّح : يعني طاير في العجّة وهو ماعنده ماعند جدة جدتي ، يعني بالعربي الفصيح من جنب العارضة .

الصتيمة : وهو الشخص اللي ماعنده ماعند جدة جدتي .!! ويصدق أي شئ يقال له .

المسبة أو المسبوة : هو الشخص اللي يكون مروع في

صغره لدرجة أنه يصبح شبه فاقد للعقل .

الفاهي : هذا الله يخلف مهما تقول له أو تصارخ عليه تلقاه فاتح فمه وبس وإذا كلف عمره وتفاعل معك رد عليك وقالك : هه .

الحقنة : هو الشخص الغثيث اللي مايفكك لين تعطيه اللي يبيه منك ومهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه ، وهذا يفسر قول العرب .. أغث من حقنه .

العلة : هذا اللي ماتاخذ انت منه اي شئ ولا عنده استعداد انه يسمع منك مهما حاولت وهو كالمرض يعلك لين تنفقع مرارتك منه .

العربجي : يظن معظم الناس ان العربجي هو الشخص الشديد حق المشاكل واللي ما يمشي الا وهو مشخص ببنت البكار(اسم لطريقة لبس الشماغ عند العرابجة) وحاط مفاتيحة في سلسلة ولا بس نعال سجادية ويسحبها تسحيب لين داء يمشي ودايم فاتح صدره ورازه على فوق وكانك ولد ابوك قله شئ بس . لكن في الاونه الاخيرة ظهرت اشاعات تقول بان العربجي هو اللي يسوق الحمارلكن صرح مصدر موثوق من عائلة العرابجة بان هذه إشاعة مغرضة اطلقها عليهم احد الخكاريا..

المرجوج : هذا ماعمره سوى شي صح في حياته مايمديك تفتح فمك الا وطار في العجة بدون مايفهم وش السالفة ، والارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة وليس نتيجة روعة ..

المطفوق : من فصيلة المرجوج ... الا ان مايميزه هو انه اذا مر من عند كاس او جيك او ابريق او اي شئ فيه سائل لازم يكبه ( اي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لانه لازم يطخها بيده او بكتفه ..!! ايضا لاتخليه يصب قهوة لضيوف لانه لازم يكب القهوة على ثوب واحد منهم .

السربوت : هذا اللي ما يخلي مكان مايروح وقد كان الاولين يطلقون لقب السربوت على من يشرب الدخان لكن الحين الله يخلف الناس تدخن بيديها ورجليها ولحد يقول لهم شئ .

السمرمدي : وهو من نفس فصيلة السربوت ، ولكن على نطاق اوسع .

الداشر : هذا قليل الأدب ولا يحب يماشي الا السرابيت ، واذا قيل فلان دشّر فلان أي خرب أخلاقه .

الملكع : اما هذا فيعرف حتى السكن (اي الجن= العفاريت ماهو الجن الثاني حق الدشير والسرابيت والسمرمد) ومقطع السمكة وذيلها ومهما تحاول تلف وتدور معه تراه فاهم وعارف وش تبي بالضبط فلا تتعب نفسك .

زعّيط : من زعط يزعط زعطاً .. اللي يسوي نفسه يفهم في كل شئ وهو من جنب العارضه .

المصرقع : هو كل شخص مايهمه شئ واللي يطري على باله بيسويه لانه ماخذ الدعوة سعة صدر وهبال ..

المفلت : هو كل شخص ماتقدر انك تامنه على شئ لانه مهوب تكانة ويتميز بكل انواع الاهمال والتطنيش .

اللزقة : هذا شخص على طول معك وقدامك ووراك وكل شي وتطلع مع الباب تلقاه تركب في السيارة تلقاه يطق القزازة عليك وعلى ها الحال لين يوم القيامة .

الصديع : اي كلمة في راسة يطلعها ولا يتنبأ بافعاله سواء كانت صح ام خطأ.

الجنط : من قصيلت الدلخ .

المريوح : هذا اللي نفسه شينه .

السبيكة : هذا اللي تحس انه فيه شي ناقص في مخه .. يعني محترق واحد من فيوزات مخه يعني ماشي بالبركة ..

المسرع : وهو الشخص اللي ينط في كل شي .. ماهو لقافة بس عجله وسرعة وفزعة ماهي على سنع ولا عنده صبر ابد ويبي يسوي كل شي بسرعة

الصحيِّح : إصحيِّح: ويقولون عليه "قل صح" اي صاحي قليلا او قليلا من الصحاومة والصحيح عكس العليل وهذا علته في رأسه يشوفك اليوم بكره ينسى اسمك ، عمره اربعين يتصرف مثل ابو خمس، يعني ماعندك احد

الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدةه***

البلشه: هو الشخص الموذي الي مايسلم منه احد وتلقى الناس دايم تصد عنه وتدور فرقاه ..ويقال(فلان بلشه لايقربنا ) يعني فكونا منه الله يفككم من النار..

الرعاعة: هو الشخص الجبان الخواف والي ينكب ربعه في الشدايد ولايحب المواجهه...

المايق: هو المتغطرس الي شايف نفسه وهو ماعنده ماعند جدتي

الدبوج: وهو الشخص الي جسمه اكبر من عقله ..وتصرفاته تصرفات طفل..

البهبوه:هو الطفل الي عليه قل صح وفيه هبال ..

المسبوه:هو الشخص الذي لايعرف مايدور حوله..

الطجمه...والطبنجه:هي صفه للشخص الذي لايعتمد على نفسه في حل مشاكله بل يتم توجيهه

الطبله:هو الشخص الخفيف الي مافيه مخ وعقله مجوف مثل الطبل ..

الدلنبخه.. والدلخ:هو الشخص الغبي الذي لايستوعب وبطيئ الفهم..

الارفل:هو الذي لايستطيع اتقان أي عمل يكلف به بل يفسده..

الجغه:هو الذي لم يكتمل نمو عقله وتنقد على تصرفاته.

الخرنقعي: هو الذي لايحسن التصرف بكل ما يملكه..

الدبشه: هو الذي تصرفاته تصرفات البهائم.. وهي ماخوذه من بهيمة الانعام..

الكمخه...هو الشخص الذي اخذ من عمره ولا يستفاد منه..وهي ماخوذه من الاغنام كبيرة السن..

القعيطي : هو الشخص البخيل للغاية و يسمى أحيانا الجلدة و قد نشأت القعيطية على يد القعيطي الأكبر قاعط قعطة المقعط وتبنى نهجه بعده تلميذه تأبط قعطا ًو قد سمي بذلك لأنه كان يخبئ أمواله في إبطه و يقعط عليها بكل حــزم و شــدة ...

المشفوح:هو الذي يبحث عن الاشياء التي لاتخصه ..وغالبا ما يبحث عنها بنفسه ويحب ان يكون اول من يطلع عليها وقد ينقل خبرها...

زعّيط : مسوي نفسه يفهم في كل شيء وهو من جنب العارضة!!! .

الخراره:هو الذي ينقل الكلام للغير..ولايستطيع كتمانه..

النكبه:هو الشخص الذي يورط أي شخص يثق فيه ولا يؤتمن على سر..

المخفه..هو الشخص الذي يصدق كل شي.. ويستغل طيبه..

البرباره..هو كثير الكلام بغير فائده ..

مهايطي : يعني من النوع اللي كلامه أكبر من حجمه بدون معنى ولا فائدة (والمعنى الصحيح تجده قريبا في عالأصل دوّر للكاتب..) لأنها فصيحة...

اللوقي: هو حيوان لا كلب ولا سلوقي ما 0ينفع ابد مافيه فايده بس ياكل مثل البغل لا حصان ولا حمار..

الدلخ : وهذاا إنسان غبي جدا.ويرفع الضغط ....وينرفز ....واكثر من يعااني منه المدرسين ....واهله .

المنسم : كل ما مريت عليه تسمع صوت( تسسسسسسسسس ) و ذلك راجع إلى تهريب الهواء من رأسه والسبب في ذلك هو أن في رأسه فتق لذلك تلقاه دايم يغطس رأسه في ((سطل)) موية عشان يعرف من وين التنسيم ( التهريب !!! ) .

المهوّي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه !!! .

مسفّح :  يعني طاير في العجّة وهو ما عنده ما عند جدتي

الصتيمة : وهو الشخص اللي ما عنده ما عند جدتي ... ويصدق أي شيء يقال له

المسبوه: الشخص اللي يكون مروع في صغره لدرجة أنه يصبح شبه فاقد للعقل  

المفهي او الفاهي : هذا الله يخلف مهما تقول له أو تصارخ عليه تلقاه فاتح ثمه و بس. وإذا كلف عمره و تفاعل معك رد عليك و قالك : هاااه. ... !!

الحقنه او اللزقة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!! ومعنى الحقنه الحفرة في النفود اذا وقعت فيها لا تخرج الا بصعوبة.

العله : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه .

‎ المرجوج :هذا ما عمره صلح شيء صح في حياته ما يمديك تفتح ثمك إلا و طار في العجة بدون ما يفهم وش السالفة !!! و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه ماده سائله لازم يكبها ( أي يسكبها ) برجله وهو مايدري !!! ولا تخليه يمر بجنبك وانت معك صينية فيها بيالات لأنه لازم يصقعها بيده أو بكتفه ..!! وأخيرا ً.. لاتخليه يصب قهوة للضيوف لأنه لازم يكب القهوة على ثوب واحد منهم !!

السربوت : هذا اللي ما يخلي مكان ما يروح له وقد كان الأولين يطلقون لقب السربوت على من يشرب التتن ... لكن الحين الله يخلف الناس تدخن بيدينها و رجلينها و لا أحد يقول لهم شيء .

السمرمدي :  وهو من نفس فصيلة السربوت ... ولكنه اكثر تعقيدا ً.

الداشر :  هذا قليل الأدب و لا يحب يماشي إلا السرابيت ... و إذا قيل فلان دشّــر فلان أي خرب أخلاقه

الملكع :  أما هذا فيعرف حتى السكن ( اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . يالئيم.

المصرقع : هو كل شخص ما يهمه شيء و اللي يطري على باله يسويه لأنه ماخذ الدعوة وساعة صدر و هبال

المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش كل ماتعلمه يفلت

الصتيمه:هو الذي يؤكل حقه ..وهذا الدارج عند الاولين ..مع ان لها معنى مخالف في بعض المناطق..

المطيور:هو الذي اصيب بمس من الجن واصبحت تصرفاته سريعه وغير طبيعيه

المريوح:هو سريع الانفعالات و التصرفات في غير مكانها..ولايبالي ..